聽我講故（9）登龍街﹝一）
登龍街向西嘅街口係出去堅拿道東，而向東行去到近街尾轉90度再向北唔夠100公尺，出口就係軒尼斯道。我住17號都算係街中間。
每朝開工時候，全條街都會聽到嘭嘭嘭好响嘅打鐵聲。冇錯嘞，係一間打鐵舖，就係喺我屋企對面。舖頭個名叫李三記。你叫佢做鋪頭，不如叫佢一個工埸。打鐵可能即係blacksmith，工作範圍係打鐵，製造鐵器等。舖內有一個扁圓形直徑約3尺類似燒烤爐嘅物體，嗰燒盆內放滿燒到紅卜卜嘅煤球，就係用嚟燒鐵嘅。不過最觸目嘅應該係〝打造〞一個大鑊。係舖左手面門外，師傅坐喺矮櫈上，雙腳踩住一塊大鐵片，佢用腳可以左右咁轉動大鐵片。佢手執大鎚，一吓一吓咁出力打喺鐵片上面，一面打又一面轉，卒之將佢打成一嗰鑊﹔再加上大耳仔，一個大鑊咁就打造出嚟喇。你而家知道乜嘢叫〝打造〞喇！
街口嘅南面行人路邊有三嗰熟食大牌檔，第一個，早上只賣白粥，油條，齋腸粉同麪筋，款式好少，但好好食。尤其佢啲油炸鬼，非常特別。比起一般嘅較短啲但粗啲，脆到不得了，喺第二度食唔度，以後，直至今日都食唔返咁脆口嘅油炸鬼。最特色嘅係呢家人係清真嘅，佢哋姓〝哈〞。後來喺雅健國術組識咗個叫哈又昌嘅人，一問，原來係呢家人嘅親戚。我91年去北京旅行，同團有個姓哈嘅女仔，一問，原來係哈又昌個妹！世界真細小。
呢個檔口到咗午飯過後就變成麪檔，雲吞，魚蛋，牛腩等等，一直做到晚飯前就收檔喇。
第二檔專做晚市嘅，各式小菜，炒粉炒麪。最特色嘅係嗰炒鑊就企係街邊，喺你面前炒比你食。我啊爸有時同我同埋佢個豬肉佬好友肥仔沛喺度宵夜。印象中會炒碟麪呀，生炒排骨呀咁。不過一定有嘅就係大青島，嗰時佢哋會比錢我去士多買，佢仲會叫我揸住啤酒唔好走呀！同理唔好揸住喺心口，因為如果〝慣〞低咗就大劑嘞！每晚呢度都坐滿人，通地骨頭，啤酒樽等。當然仲有好多流浪貓狗喺度揾食！
仲有，喺〝夜來香〞一篇提及夜香車會駛入登龍街，咁當然會巡過每一圍擺滿宵夜嘅枱，各人稍一掩鼻，略發〝媽媽〞之聲，等香氣過後，即繼續大快朵頤可也。夜香車駛經食檔呢一幕，我記得好清楚，連嗰啲味道，我都好印象！
第三檔係奶茶檔，當然有著名絲襪奶茶，咖啡、鴛鴦，滾蛋、horlic、華田等，又可配走糖，飛砂走奶等。以前外賣唔用膠盒，三文治、多士等乾食物會用紙袋裝，但係飲品又用乜嘢装呢？用〝牛奶嘜〞，即用完嘅牛奶空罐。成日見到電車佬拎住用牛奶嘜装嘅奶茶或咖啡上電車，然後一路揸電車，一路飲咖啡，十分過癮。可以想象，牛奶嘜装嘅茶啡，奶味一定濃郁。茶檔亦有外賣，尤其下午茶，佢哋冲好一杯杯嘅飲品，杯係又肥又厚嘅玻璃杯，好滾嘅茶都唔會爆。帶埋用紙袋装住嘅油多、蛋、牛治等食物，去到街市賣比豬肉佬、小販等。生意應該幾好！茶檔好早就開，方便人食完早餐返工。做埋飯市時間到下午茶後就預備收檔。因為第二朝，倒塔咁早就要起身！
一路向街裹面行又點呢？
留意下一篇
登龍街向西嘅街口係出去堅拿道東，而向東行去到近街尾轉90度再向北唔夠100公尺，出口就係軒尼斯道。我住17號都算係街中間。
每朝開工時候，全條街都會聽到嘭嘭嘭好响嘅打鐵聲。冇錯嘞，係一間打鐵舖，就係喺我屋企對面。舖頭個名叫李三記。你叫佢做鋪頭，不如叫佢一個工埸。打鐵可能即係blacksmith，工作範圍係打鐵，製造鐵器等。舖內有一個扁圓形直徑約3尺類似燒烤爐嘅物體，嗰燒盆內放滿燒到紅卜卜嘅煤球，就係用嚟燒鐵嘅。不過最觸目嘅應該係〝打造〞一個大鑊。係舖左手面門外，師傅坐喺矮櫈上，雙腳踩住一塊大鐵片，佢用腳可以左右咁轉動大鐵片。佢手執大鎚，一吓一吓咁出力打喺鐵片上面，一面打又一面轉，卒之將佢打成一嗰鑊﹔再加上大耳仔，一個大鑊咁就打造出嚟喇。你而家知道乜嘢叫〝打造〞喇！
街口嘅南面行人路邊有三嗰熟食大牌檔，第一個，早上只賣白粥，油條，齋腸粉同麪筋，款式好少，但好好食。尤其佢啲油炸鬼，非常特別。比起一般嘅較短啲但粗啲，脆到不得了，喺第二度食唔度，以後，直至今日都食唔返咁脆口嘅油炸鬼。最特色嘅係呢家人係清真嘅，佢哋姓〝哈〞。後來喺雅健國術組識咗個叫哈又昌嘅人，一問，原來係呢家人嘅親戚。我91年去北京旅行，同團有個姓哈嘅女仔，一問，原來係哈又昌個妹！世界真細小。
呢個檔口到咗午飯過後就變成麪檔，雲吞，魚蛋，牛腩等等，一直做到晚飯前就收檔喇。
第二檔專做晚市嘅，各式小菜，炒粉炒麪。最特色嘅係嗰炒鑊就企係街邊，喺你面前炒比你食。我啊爸有時同我同埋佢個豬肉佬好友肥仔沛喺度宵夜。印象中會炒碟麪呀，生炒排骨呀咁。不過一定有嘅就係大青島，嗰時佢哋會比錢我去士多買，佢仲會叫我揸住啤酒唔好走呀！同理唔好揸住喺心口，因為如果〝慣〞低咗就大劑嘞！每晚呢度都坐滿人，通地骨頭，啤酒樽等。當然仲有好多流浪貓狗喺度揾食！
仲有，喺〝夜來香〞一篇提及夜香車會駛入登龍街，咁當然會巡過每一圍擺滿宵夜嘅枱，各人稍一掩鼻，略發〝媽媽〞之聲，等香氣過後，即繼續大快朵頤可也。夜香車駛經食檔呢一幕，我記得好清楚，連嗰啲味道，我都好印象！
第三檔係奶茶檔，當然有著名絲襪奶茶，咖啡、鴛鴦，滾蛋、horlic、華田等，又可配走糖，飛砂走奶等。以前外賣唔用膠盒，三文治、多士等乾食物會用紙袋裝，但係飲品又用乜嘢装呢？用〝牛奶嘜〞，即用完嘅牛奶空罐。成日見到電車佬拎住用牛奶嘜装嘅奶茶或咖啡上電車，然後一路揸電車，一路飲咖啡，十分過癮。可以想象，牛奶嘜装嘅茶啡，奶味一定濃郁。茶檔亦有外賣，尤其下午茶，佢哋冲好一杯杯嘅飲品，杯係又肥又厚嘅玻璃杯，好滾嘅茶都唔會爆。帶埋用紙袋装住嘅油多、蛋、牛治等食物，去到街市賣比豬肉佬、小販等。生意應該幾好！茶檔好早就開，方便人食完早餐返工。做埋飯市時間到下午茶後就預備收檔。因為第二朝，倒塔咁早就要起身！
一路向街裹面行又點呢？
留意下一篇
No comments:
Post a Comment