文章日期：08/28/2010 09:16 pm
贊育醫院
而家係西邊街西區社區中心
我來也
一九四五年，歐戰結束，美國佬掟咗两粒原子彈喺廣島同埋長崎比日本仔嘆。日本仔死死氣，唯有投降，太平洋戰争宣告結束。
十年後，喺香港，有條友仔喺呢度一間叫贊育醫院出世啦！時為四月十五日下午五點正。當年舊曆係乙末年，属羊。唔使多講，呢個就係我嘞。
據啊媽憶述，當我啊爸嚟睇我嘅時候，佢第一眼見到我嘅時侯，見我〝黑古勒掘〞，佢就話 : 〝乜成個嚤囉仔咁！〞咁以後我個花名就叫〝嚤囉〞喇！
自細，屋企人就話比我知，我應該有個家姐嘅。好可惜喺佢三歲嘅時候就過咗身。情形好似係咁嘅: 佢有病（唔知乜嘢病），送咗入東華東院，冇耐就冇咗嘞（所以啊爸啊媽係好唔中意東華三院嘅）。屋企人好少提及呢件事，更唔知點解咁就去咗﹔佢叫做乜嘢名、葬咗係邊度……等等，我乜都唔知。下次番香港，記住問吓我舅父，佢係世界上唯一有可能知嘅人。
我有一個啊哥，佢1949年三月出世，大我六年。即係話啊媽一共生過三次，都係開刀嘅。喺呢度要講一筆，當年，係講緊六十幾年前，喺香港生仔唔一定喺醫院，更多嘅係喺自己屋企或者係留產所。如果話要開刀嘅話，更係絕無僅有！就算而家喺香港嘅公立醫院，都唔係你話要開刀就開嘅！所以我哋三個都係開刀出嚟嘅，我啊媽一定有啲問題嘅！最有可能係﹕我啊媽好細粒，可能係盤骨窄，順產會有危險，咁就一定要開刀至得！
有一件關於我，又好驚險嘅事。話說當我啊哥出世時，啊媽已經係第二次開刀。當時啲人相信，一生人最多開两次刀，唔係就會有危險。所以做手術前，啊爸叫醫生順手幫啊媽做埋結紥。啊哥出世後，呢件事就告一段落嘞！
五年後，啊媽又大起肚嚟！？點解呢？紥咗嘅囉噃！老頭子即刻去揾醫生問個究竟。醫生話，當年佢並冇替啊媽結紥！what？？佢解釋話，只得一個仔，唔係幾仔嘅，因為〝唔知邊個得力嘅〞（啊爸嘅原話）！
如果當時醫生聽我啊爸話，就冇我啦！歷史就會改寫喇。
我估，嗱，估咋！一係信醫生慨版本，如果唔係，我聽過，係有少數結紥手術會失敗嘅，即係通番。總之，我嘅出現喺呢個世上，係偶然中慨偶然。我既然有幸生於斯，我要盡力做好，不枉此生！
不過，雖然醫生話我係得力嗰個（我都覺得係），但係當啊媽歸主時，我唔可以喺佢身邊，我記得嗰日係星期六，我喺舖頭開緊工，大表妹啊英打電話比我，話啊媽唔得喇，我攞住電話同啊媽講嘢，我叫佢放心，唔駛担心。………實在我都唔知可以講乜嘢…..！佢冇講嘢，又或者我聽唔到，又唔知佢聽唔聽到我講。又唔知佢心諗緊乜？？？唉………！
當時，喺佢身邊嘅有我啊哥、舅父，係佢唯一嘅親細佬、所有表妹，同埋大表妹嘅老公啊華。有咁多人喺佢身邊，佢應該安心嘅。
…………………………………………..。
注意下一篇
一九四五年，歐戰結束，美國佬掟咗两粒原子彈喺廣島同埋長崎比日本仔嘆。日本仔死死氣，唯有投降，太平洋戰争宣告結束。
十年後，喺香港，有條友仔喺呢度一間叫贊育醫院出世啦！時為四月十五日下午五點正。當年舊曆係乙末年，属羊。唔使多講，呢個就係我嘞。
據啊媽憶述，當我啊爸嚟睇我嘅時候，佢第一眼見到我嘅時侯，見我〝黑古勒掘〞，佢就話 : 〝乜成個嚤囉仔咁！〞咁以後我個花名就叫〝嚤囉〞喇！
自細，屋企人就話比我知，我應該有個家姐嘅。好可惜喺佢三歲嘅時候就過咗身。情形好似係咁嘅: 佢有病（唔知乜嘢病），送咗入東華東院，冇耐就冇咗嘞（所以啊爸啊媽係好唔中意東華三院嘅）。屋企人好少提及呢件事，更唔知點解咁就去咗﹔佢叫做乜嘢名、葬咗係邊度……等等，我乜都唔知。下次番香港，記住問吓我舅父，佢係世界上唯一有可能知嘅人。
我有一個啊哥，佢1949年三月出世，大我六年。即係話啊媽一共生過三次，都係開刀嘅。喺呢度要講一筆，當年，係講緊六十幾年前，喺香港生仔唔一定喺醫院，更多嘅係喺自己屋企或者係留產所。如果話要開刀嘅話，更係絕無僅有！就算而家喺香港嘅公立醫院，都唔係你話要開刀就開嘅！所以我哋三個都係開刀出嚟嘅，我啊媽一定有啲問題嘅！最有可能係﹕我啊媽好細粒，可能係盤骨窄，順產會有危險，咁就一定要開刀至得！
有一件關於我，又好驚險嘅事。話說當我啊哥出世時，啊媽已經係第二次開刀。當時啲人相信，一生人最多開两次刀，唔係就會有危險。所以做手術前，啊爸叫醫生順手幫啊媽做埋結紥。啊哥出世後，呢件事就告一段落嘞！
五年後，啊媽又大起肚嚟！？點解呢？紥咗嘅囉噃！老頭子即刻去揾醫生問個究竟。醫生話，當年佢並冇替啊媽結紥！what？？佢解釋話，只得一個仔，唔係幾仔嘅，因為〝唔知邊個得力嘅〞（啊爸嘅原話）！
如果當時醫生聽我啊爸話，就冇我啦！歷史就會改寫喇。
我估，嗱，估咋！一係信醫生慨版本，如果唔係，我聽過，係有少數結紥手術會失敗嘅，即係通番。總之，我嘅出現喺呢個世上，係偶然中慨偶然。我既然有幸生於斯，我要盡力做好，不枉此生！
不過，雖然醫生話我係得力嗰個（我都覺得係），但係當啊媽歸主時，我唔可以喺佢身邊，我記得嗰日係星期六，我喺舖頭開緊工，大表妹啊英打電話比我，話啊媽唔得喇，我攞住電話同啊媽講嘢，我叫佢放心，唔駛担心。………實在我都唔知可以講乜嘢…..！佢冇講嘢，又或者我聽唔到，又唔知佢聽唔聽到我講。又唔知佢心諗緊乜？？？唉………！
當時，喺佢身邊嘅有我啊哥、舅父，係佢唯一嘅親細佬、所有表妹，同埋大表妹嘅老公啊華。有咁多人喺佢身邊，佢應該安心嘅。
…………………………………………..。
注意下一篇
No comments:
Post a Comment