聽我講古（14）鵝頸街市（二）
運貨單車，我左手邊係水沆嘅石壆，面向就係豬肉檔
相片嘅右上角可樂廣告招牌就係水沆對岸登龍街口
我坐喺劏豬嘅矮枱上
一隻一隻豬就瞓晒喺度
聽我講故（14）鵝頸街市（二）
面向大水沆（東）係一列豬肉舖。典型嘅肉檔前面係一塊大厚木造嘅豬肉枱（所以豬肉檔又叫豬肉枱），擺咗幾個嵌入嘅砧板。豬肉佬只喺砧板上斬肉，砧板用耐咗凹入成隻鑊咁，就叫木工修理番或再造一個，咁成張肉枱就耐用啲。豬肉枱對上掛住一塊塊分好類嘅豬肉，例如半肥瘦，柳梅，肉排……等等。而豬肚，豬肺，豬橫脷等則掛喺檔前兩邊。而肉枱底就放滿一盤盤「下欄」，例如，切出嚟嘅豬皮、肥膏等。
肉枱前一定掛住一大扎鹹水草，重掛住一大叠已經砌好嘅舊報紙（成張報紙嘅4份1大小）。豬肉佬會搣一張報紙包住豬肉，再用鹹水草綁住，同時留一個水草圈作為挽手，客人可以用手指勾住四圍走。講到呢叠報紙，要拉開一筆。我哋細個時如有內急要開大嘅話，就會去「大三元隔籬」，即係消防局側跨住水沆而建成嘅公厠。厠所側有草紙賣，斗零（一毫？）一份。但係我去邊度揾斗零？所以就會去豬肉枱，掹一、兩張報紙，直衝大三元，一路行一路搓軟張報紙備用。嗰時報紙用油墨鉛印，睇完報紙對手都會黑墨墨，用嚟……，咁個……會唔會黑墨墨呢？我唔知喎，睇唔到吖嘛！不過啊媽成日話，用報紙……會唔識字嘅。我讀書唔成，唔知同呢樣嘢有冇lah lung？
肉檔裹面會有個大雪櫃，賣唔晒嘅嘢，就會放入去。咁上下雪櫃要溶雪，我哋就會執啲雪嚟玩。
肉檔除咗豬肉佬外，重會有個文職嘅人，人人都叫佢做「先生」。肉檔裹面有辦公枱。數簿，賬簿，交收記錄，係佢嘅工作。算盤，毛筆，墨盒係佢嘅工具。可能舊時唔係好多人識字、識計數，所以先生係好受尊重嘅。
豬肉佬嘅兩餐都喺檔口食，有啲肉檔會有「站房」，即係喺附近有一個住宅單位，老闆請個人煮飯，煮好飯就送落豬肉檔，伙記就喺檔口食午、晚兩餐。亦有叫包伙食嘅。送餐嘅人用滿晒餸汁漬嘅「白」布，將一份份餐包起，有飯有湯有餸重有碗筷餐具，用前後有鐵架嘅單車送到。
每日市政處嘅運豬車都運送一隻一隻劏好嘅豬嚟豬肉檔，豬肉檔前，喺水沆石壆邊鋪咗木造矮枱，啲豬就一隻一隻咁瞓喺上面，豬肉佬就喺呢度將豬分成不同部份。
豬肉檔除咗做零售外，亦大批咁交比酒摟餐館。佢哋點貨時係好好睇嘅。首先，先生坐喺辦公枱，手執毛筆，預備做紀錄。喺檔口前嘅天花，吊住一把巨型秤。枝秤桿足有兩米長，秤頭係一個大鐵鈎。秤坨當然相當巨型。豬肉佬將豬肉掛上秤鈎，撥動秤坨就開始秤喇，然後就報重比先生寫低。報嘅方法唔喺講，係唱，好似唱山歌咁！
「又嚟瘦肉喇，瘦肉….三十有五斤喇。……再嚟用排喇……！」十分過癮！
而家回想起，啊爸冇乜朋友，有一個比較傾得埋嘅，啊爸叫佢肥仔沛，我哋叫佢沛叔，佢就係一個豬肉佬，佢就喺呢度其中一個豬肉檔打工，豬肉檔個名叫「復興」。印象中呢檔「復興」嘅事頭，同事頭婆都好好人。佢屋企就喺堅拿道西，街市對面嘅一幢四層高戰前樓嘅二摟。而我哋個檔口就喺佢樓下。我嗰時應該七、八歲啩。我有時會上去，可以從佢個騎樓望落我檔口。我會大聲嗌落街，同喺檔口嘅啊媽講嘢。
佢哋有個女，大我六、七年啩，我小一、二時佢讀緊中學。可能我見得女仔少，印象中佢都幾靚女，佢個樣我而家都記得。十分記得我哋會玩先生學生遊戲，佢梗係做先生喇，佢會寫一張「班長」嘅紙名牌比我戴住扮嘢。但我一生人從未做過班長
堅拿道西四層唐樓，我喺樓上玩，檔口喺樓下街邊
留意下一篇
運貨單車，我左手邊係水沆嘅石壆，面向就係豬肉檔
相片嘅右上角可樂廣告招牌就係水沆對岸登龍街口
我坐喺劏豬嘅矮枱上
一隻一隻豬就瞓晒喺度
聽我講故（14）鵝頸街市（二）
面向大水沆（東）係一列豬肉舖。典型嘅肉檔前面係一塊大厚木造嘅豬肉枱（所以豬肉檔又叫豬肉枱），擺咗幾個嵌入嘅砧板。豬肉佬只喺砧板上斬肉，砧板用耐咗凹入成隻鑊咁，就叫木工修理番或再造一個，咁成張肉枱就耐用啲。豬肉枱對上掛住一塊塊分好類嘅豬肉，例如半肥瘦，柳梅，肉排……等等。而豬肚，豬肺，豬橫脷等則掛喺檔前兩邊。而肉枱底就放滿一盤盤「下欄」，例如，切出嚟嘅豬皮、肥膏等。
肉枱前一定掛住一大扎鹹水草，重掛住一大叠已經砌好嘅舊報紙（成張報紙嘅4份1大小）。豬肉佬會搣一張報紙包住豬肉，再用鹹水草綁住，同時留一個水草圈作為挽手，客人可以用手指勾住四圍走。講到呢叠報紙，要拉開一筆。我哋細個時如有內急要開大嘅話，就會去「大三元隔籬」，即係消防局側跨住水沆而建成嘅公厠。厠所側有草紙賣，斗零（一毫？）一份。但係我去邊度揾斗零？所以就會去豬肉枱，掹一、兩張報紙，直衝大三元，一路行一路搓軟張報紙備用。嗰時報紙用油墨鉛印，睇完報紙對手都會黑墨墨，用嚟……，咁個……會唔會黑墨墨呢？我唔知喎，睇唔到吖嘛！不過啊媽成日話，用報紙……會唔識字嘅。我讀書唔成，唔知同呢樣嘢有冇lah lung？
肉檔裹面會有個大雪櫃，賣唔晒嘅嘢，就會放入去。咁上下雪櫃要溶雪，我哋就會執啲雪嚟玩。
肉檔除咗豬肉佬外，重會有個文職嘅人，人人都叫佢做「先生」。肉檔裹面有辦公枱。數簿，賬簿，交收記錄，係佢嘅工作。算盤，毛筆，墨盒係佢嘅工具。可能舊時唔係好多人識字、識計數，所以先生係好受尊重嘅。
豬肉佬嘅兩餐都喺檔口食，有啲肉檔會有「站房」，即係喺附近有一個住宅單位，老闆請個人煮飯，煮好飯就送落豬肉檔，伙記就喺檔口食午、晚兩餐。亦有叫包伙食嘅。送餐嘅人用滿晒餸汁漬嘅「白」布，將一份份餐包起，有飯有湯有餸重有碗筷餐具，用前後有鐵架嘅單車送到。
每日市政處嘅運豬車都運送一隻一隻劏好嘅豬嚟豬肉檔，豬肉檔前，喺水沆石壆邊鋪咗木造矮枱，啲豬就一隻一隻咁瞓喺上面，豬肉佬就喺呢度將豬分成不同部份。
豬肉檔除咗做零售外，亦大批咁交比酒摟餐館。佢哋點貨時係好好睇嘅。首先，先生坐喺辦公枱，手執毛筆，預備做紀錄。喺檔口前嘅天花，吊住一把巨型秤。枝秤桿足有兩米長，秤頭係一個大鐵鈎。秤坨當然相當巨型。豬肉佬將豬肉掛上秤鈎，撥動秤坨就開始秤喇，然後就報重比先生寫低。報嘅方法唔喺講，係唱，好似唱山歌咁！
「又嚟瘦肉喇，瘦肉….三十有五斤喇。……再嚟用排喇……！」十分過癮！
而家回想起，啊爸冇乜朋友，有一個比較傾得埋嘅，啊爸叫佢肥仔沛，我哋叫佢沛叔，佢就係一個豬肉佬，佢就喺呢度其中一個豬肉檔打工，豬肉檔個名叫「復興」。印象中呢檔「復興」嘅事頭，同事頭婆都好好人。佢屋企就喺堅拿道西，街市對面嘅一幢四層高戰前樓嘅二摟。而我哋個檔口就喺佢樓下。我嗰時應該七、八歲啩。我有時會上去，可以從佢個騎樓望落我檔口。我會大聲嗌落街，同喺檔口嘅啊媽講嘢。
佢哋有個女，大我六、七年啩，我小一、二時佢讀緊中學。可能我見得女仔少，印象中佢都幾靚女，佢個樣我而家都記得。十分記得我哋會玩先生學生遊戲，佢梗係做先生喇，佢會寫一張「班長」嘅紙名牌比我戴住扮嘢。但我一生人從未做過班長
留意下一篇
No comments:
Post a Comment