居在何方
由我出世到我大約十歲左右，我住喺香港灣仔登龍街十七號三樓。我喺贊育出世後，住咗醫院幾耐，搭乜嘢車，邊個人同我返屋企…….等等，我一概唔知。
跟住，我盡量喺記憶裹面，揾出當時發生喺屋企附近發生嘅故事。
嗰時，並唔係所有樓下都係地鋪嘅。有啲係前鋪後居，有啲甚至成係住人嘅。當然喺一個單位裹面可以住咗十家八家人完全唔出奇也。如果係住宅嘅話，有時門口甚至可以見到趟籠。
我住喺三樓，喺我住嘅單位應該住咗七、八伙人家。入門口後，右手邊喺〝騎樓〞（騎樓就係露台，係伸出外牆嘅結講），只須向右轉踏出两、三步，就行出騎摟。騎樓地面喺水泥地，周圍係生晒綉嘅鐵枝欄杆，欄杆外面就係晾衫架，每伙人用自己嘅晾衫竹晾衫，如果冇衫晾，就戙起枝竹埋一邊，唔好阻住人。
入門原地左轉90度，右手邊係一列四間板間房，頭房係連住部分騎樓。呢間房係乜嘢人住，我冇乜印象。
二房係一家姓江（？）嘅家庭，因為人人都叫個女人做〝江婆〞，即係啊江（光）嘅老婆，所以估佢哋姓江。呢個江婆係一個巴喳惡婆，成日鬧人。我印象啊媽成日比佢鬧，啊媽又唔叻鬧交，所以成日唔夠佢鬧。我應該係好憎呢嗰人嘅！
再落中間房，個女人叫做〝群媽〞，有黃曼梨feel，似成日背後講人嗰隻，佢同江婆都唔駛返工，成日喺屋企，最有印象就喺两條友坐喺櫈仔各自洗緊一盤衫，中間仲有一塊洗衫板，然後講呢個，講嗰個咁樣！群媽有個大我十年八年嘅仔叫做啊添。個男人喺做泥工嘅，印象中係健碩老實嗰隻。
第二間房同中間房都係冇窗嘅，再落就係尾房，尾房有一排窗，望落後街巷仔。印象中呢間房係最大嘅，入房後仲可以擺張麻雀枱，仲用木搭咗個閣仔，有條木梯用嚟上落。個女人叫做姝媽（姝女或豬仔啊媽），好似係做建築嘅，好似後來揾到個錢可以買屋咁嘅！
一列房嘅對面係乜？又再由門口講番起。入門口左轉90度，左手邊有一個要用直梯上去嘅空間，離地約一個人嘅高度，可以瞓一個人啩。邊個人住喺度，我已經冇晒印象，不過據聞，我啊公曾經落過香港就係喺呢度小住嘞。後來頂唔順香港生活艱難，就返番鄉下。
喺呢度拉開一筆，最令啊公頂唔順嘅仲有佢要做小販要走鬼！我啊爸成日講两件嘢有關啊公喺香港嘅。其一係，佢賣番茄，佢叫番茄做番鬼仔。唔通因為鄉下口音嘅原因。其二係，佢見到電車佬就以為喺警察，即刻走鬼。原因係嗰時嘅電車佬係着藍色類似中山裝嘅制服，戴嘅帽同差人頂帽都好相似，所以有呢嗰誤會。
再向屋尾行，左邊一第個牀位、第二個牀位﹔第三個牀位，即係最尾嗰個，再落就係厨房喇。呢個尾牀位擺咗一個4呎Ｘ6呎嘅綠色角鐵雙層碌架牀，嗰時唔興用夾板，係八條，上下格牀各4，1呎Ｘ６呎厚2吋嘅實木做牀板﹔木牀板瞓得耐再加上冷縮熱脹就會變形彎曲，所以牀中間就會出現三條大隙罅，當時亦無乜嘢墊褥啲咁嘅嘢，所以反瞓嘅話，就會比牀板夾到肉。唔駛多講，呢度就係我嘅家嘞！
下格牀用布圍住三邊，用鐵綫同木衫夾嚟吊住塊布，以保少少私隱（有咩？）！另一邊係牆。記憶中一家四口就瞓晒喺下格牀。上格牀要嚟擺嘢﹔不過都應該冇乜嘢好擺嘞！
記憶中喺呢張牀度做過一次功課。故事係咁嘅：我返學讀書喇，唔記得幼稚園定係小一？啊爸買咗張枱仔比我做功課，係圓枱面，大約两呎幾啩。枱脚係木框咁可以開合嘅，打開後成〝十〞字嘅樣，枱面就擺上去。情形就好似好舊 好舊嘅飯枱一樣。喺上格牀開咗張枱，啊爸教我寫個〝口〞字，佢話「擘大個口得個窿」我聽完哈哈大笑。故事簡單無聊，唔知點解我可以清清楚楚記到如今！此後我唔知喺呢張枱上做過幾多次功課，睇個樣都唔多嘞！
我的家係冇電掣嘅，只有一條由天花吊落嚟嘅電綫，連住一個有開關嘅燈頭，上面安咗一個25火嘅燈膽，穿過鐵綫同布廉之間，就係我哋嘅照明喇！你知喇，電綫皮又或者燈頭硬膠都會爛嘅，外露嘅電綫掂到鐵牀架就會〝走電〞，分分鐘會電瓜，好彩吉人天相，善哉善哉！
下一篇要講啲有味嘅故仔。
留意下一篇。
相中呢個細佬就佢我嘞。我當時喺幾多歲呢？
我後面就喺座落喺堅拿道東同登龍街交界嘅舊摟。我所講嘅騎樓就喺咁樣嘞！
我口中叼住嘅，相信喺真煙嚟，細佬就梗喺要比人整蠱嘅，唔喺點得大！
由我出世到我大約十歲左右，我住喺香港灣仔登龍街十七號三樓。我喺贊育出世後，住咗醫院幾耐，搭乜嘢車，邊個人同我返屋企…….等等，我一概唔知。
跟住，我盡量喺記憶裹面，揾出當時發生喺屋企附近發生嘅故事。
嗰時，並唔係所有樓下都係地鋪嘅。有啲係前鋪後居，有啲甚至成係住人嘅。當然喺一個單位裹面可以住咗十家八家人完全唔出奇也。如果係住宅嘅話，有時門口甚至可以見到趟籠。
我住喺三樓，喺我住嘅單位應該住咗七、八伙人家。入門口後，右手邊喺〝騎樓〞（騎樓就係露台，係伸出外牆嘅結講），只須向右轉踏出两、三步，就行出騎摟。騎樓地面喺水泥地，周圍係生晒綉嘅鐵枝欄杆，欄杆外面就係晾衫架，每伙人用自己嘅晾衫竹晾衫，如果冇衫晾，就戙起枝竹埋一邊，唔好阻住人。
入門原地左轉90度，右手邊係一列四間板間房，頭房係連住部分騎樓。呢間房係乜嘢人住，我冇乜印象。
二房係一家姓江（？）嘅家庭，因為人人都叫個女人做〝江婆〞，即係啊江（光）嘅老婆，所以估佢哋姓江。呢個江婆係一個巴喳惡婆，成日鬧人。我印象啊媽成日比佢鬧，啊媽又唔叻鬧交，所以成日唔夠佢鬧。我應該係好憎呢嗰人嘅！
再落中間房，個女人叫做〝群媽〞，有黃曼梨feel，似成日背後講人嗰隻，佢同江婆都唔駛返工，成日喺屋企，最有印象就喺两條友坐喺櫈仔各自洗緊一盤衫，中間仲有一塊洗衫板，然後講呢個，講嗰個咁樣！群媽有個大我十年八年嘅仔叫做啊添。個男人喺做泥工嘅，印象中係健碩老實嗰隻。
第二間房同中間房都係冇窗嘅，再落就係尾房，尾房有一排窗，望落後街巷仔。印象中呢間房係最大嘅，入房後仲可以擺張麻雀枱，仲用木搭咗個閣仔，有條木梯用嚟上落。個女人叫做姝媽（姝女或豬仔啊媽），好似係做建築嘅，好似後來揾到個錢可以買屋咁嘅！
一列房嘅對面係乜？又再由門口講番起。入門口左轉90度，左手邊有一個要用直梯上去嘅空間，離地約一個人嘅高度，可以瞓一個人啩。邊個人住喺度，我已經冇晒印象，不過據聞，我啊公曾經落過香港就係喺呢度小住嘞。後來頂唔順香港生活艱難，就返番鄉下。
喺呢度拉開一筆，最令啊公頂唔順嘅仲有佢要做小販要走鬼！我啊爸成日講两件嘢有關啊公喺香港嘅。其一係，佢賣番茄，佢叫番茄做番鬼仔。唔通因為鄉下口音嘅原因。其二係，佢見到電車佬就以為喺警察，即刻走鬼。原因係嗰時嘅電車佬係着藍色類似中山裝嘅制服，戴嘅帽同差人頂帽都好相似，所以有呢嗰誤會。
再向屋尾行，左邊一第個牀位、第二個牀位﹔第三個牀位，即係最尾嗰個，再落就係厨房喇。呢個尾牀位擺咗一個4呎Ｘ6呎嘅綠色角鐵雙層碌架牀，嗰時唔興用夾板，係八條，上下格牀各4，1呎Ｘ６呎厚2吋嘅實木做牀板﹔木牀板瞓得耐再加上冷縮熱脹就會變形彎曲，所以牀中間就會出現三條大隙罅，當時亦無乜嘢墊褥啲咁嘅嘢，所以反瞓嘅話，就會比牀板夾到肉。唔駛多講，呢度就係我嘅家嘞！
下格牀用布圍住三邊，用鐵綫同木衫夾嚟吊住塊布，以保少少私隱（有咩？）！另一邊係牆。記憶中一家四口就瞓晒喺下格牀。上格牀要嚟擺嘢﹔不過都應該冇乜嘢好擺嘞！
記憶中喺呢張牀度做過一次功課。故事係咁嘅：我返學讀書喇，唔記得幼稚園定係小一？啊爸買咗張枱仔比我做功課，係圓枱面，大約两呎幾啩。枱脚係木框咁可以開合嘅，打開後成〝十〞字嘅樣，枱面就擺上去。情形就好似好舊 好舊嘅飯枱一樣。喺上格牀開咗張枱，啊爸教我寫個〝口〞字，佢話「擘大個口得個窿」我聽完哈哈大笑。故事簡單無聊，唔知點解我可以清清楚楚記到如今！此後我唔知喺呢張枱上做過幾多次功課，睇個樣都唔多嘞！
我的家係冇電掣嘅，只有一條由天花吊落嚟嘅電綫，連住一個有開關嘅燈頭，上面安咗一個25火嘅燈膽，穿過鐵綫同布廉之間，就係我哋嘅照明喇！你知喇，電綫皮又或者燈頭硬膠都會爛嘅，外露嘅電綫掂到鐵牀架就會〝走電〞，分分鐘會電瓜，好彩吉人天相，善哉善哉！
下一篇要講啲有味嘅故仔。
留意下一篇。
相中呢個細佬就佢我嘞。我當時喺幾多歲呢？
我後面就喺座落喺堅拿道東同登龍街交界嘅舊摟。我所講嘅騎樓就喺咁樣嘞！
我口中叼住嘅，相信喺真煙嚟，細佬就梗喺要比人整蠱嘅，唔喺點得大！
No comments:
Post a Comment