聽我講故（二）來自何方
第二集，應該先講前傳。喺我嘅家族中，我嘅認識最早只係推到我啊爺。至於啊爺嘅爸媽嘅一切，我係乜都唔知，連叫乜名都唔知。根據我啊爸話，啊爺喺啊爸16歲時過身嘅（1935年？），唔知乜嘢原因，啊爸冇講。啊爺鄉下係廣東省增城縣下蓮塘村。啊爺同啊嫲喺上世紀初嚟到香港。啊爸話佢自己1919年喺香港出世。佢成日話啊爺已經係三世祖，係窮光蛋一名。不過啊嫲係來自增城立布（地方名）有錢人家。唔通係有錢女跟窮光蛋私奔香港嘅古裝愛情故事？anyway，根據啊爸形容，啊爺係生得高大，約5呎10（what？點解佢同我都只係標準regular高度？有冇吹牛？抑或印象錯誤）！
根據粗略計算，啊爺已經喺戰前過身。而啊嫲係喺日治時期過身嘅。情形大約係咁啩:當時，唔知實際幾時，啊爸返咗鄉下，但啊嘛則留低喺香港。到戰後，啊爸返香港，人哋話比佢知，啊嫲已經過咗身（餓死？），而且唔知葬咗喺邊？
啊爺係獨子，啊爸亦係獨子。人丁單薄，所以啊爸呢邊，已冇直接嘅親屬嘞！如果今日我返到鄉下，係冇人識我嘅！
不過我啊爺不知如何、幾時、收養咗两個養女。一個嫁咗去增城縣城，又叫做增城街。佢有兒有女。我去過佢屋企，住過一、两日啩。另一個嫁咗去廣洲，住喺天成路，文革時改名叫紅書南路，我都住過嗰度起碼成個禮拜，我對廣洲呢一處都幾有印象。我叫佢哋两個做姑媽，但好奇怪，我只見姑媽而不見姑丈，點解呢？佢两個比我啊爸大十幾廿年，佢哋叫我啊爸做林仔。佢他都兒孫成群，廣洲嗰位，佢嗰好一家人係80年代時偷渡嚟咗香港。初初都有見吓面，跟住就冇乜來住喇。啊爸仙遊後更已全無音訊喇。
啊爸成日話佢係九代單傳嘅，所以啊爸呢邊人丁單薄。至於啊媽呢邊又點嘅樣呢？
請留意下一篇。
第二集，應該先講前傳。喺我嘅家族中，我嘅認識最早只係推到我啊爺。至於啊爺嘅爸媽嘅一切，我係乜都唔知，連叫乜名都唔知。根據我啊爸話，啊爺喺啊爸16歲時過身嘅（1935年？），唔知乜嘢原因，啊爸冇講。啊爺鄉下係廣東省增城縣下蓮塘村。啊爺同啊嫲喺上世紀初嚟到香港。啊爸話佢自己1919年喺香港出世。佢成日話啊爺已經係三世祖，係窮光蛋一名。不過啊嫲係來自增城立布（地方名）有錢人家。唔通係有錢女跟窮光蛋私奔香港嘅古裝愛情故事？anyway，根據啊爸形容，啊爺係生得高大，約5呎10（what？點解佢同我都只係標準regular高度？有冇吹牛？抑或印象錯誤）！
根據粗略計算，啊爺已經喺戰前過身。而啊嫲係喺日治時期過身嘅。情形大約係咁啩:當時，唔知實際幾時，啊爸返咗鄉下，但啊嘛則留低喺香港。到戰後，啊爸返香港，人哋話比佢知，啊嫲已經過咗身（餓死？），而且唔知葬咗喺邊？
啊爺係獨子，啊爸亦係獨子。人丁單薄，所以啊爸呢邊，已冇直接嘅親屬嘞！如果今日我返到鄉下，係冇人識我嘅！
不過我啊爺不知如何、幾時、收養咗两個養女。一個嫁咗去增城縣城，又叫做增城街。佢有兒有女。我去過佢屋企，住過一、两日啩。另一個嫁咗去廣洲，住喺天成路，文革時改名叫紅書南路，我都住過嗰度起碼成個禮拜，我對廣洲呢一處都幾有印象。我叫佢哋两個做姑媽，但好奇怪，我只見姑媽而不見姑丈，點解呢？佢两個比我啊爸大十幾廿年，佢哋叫我啊爸做林仔。佢他都兒孫成群，廣洲嗰位，佢嗰好一家人係80年代時偷渡嚟咗香港。初初都有見吓面，跟住就冇乜來住喇。啊爸仙遊後更已全無音訊喇。
啊爸成日話佢係九代單傳嘅，所以啊爸呢邊人丁單薄。至於啊媽呢邊又點嘅樣呢？
請留意下一篇。
No comments:
Post a Comment